ບຸນເຂົ້າຈີ່

ປະ​ເພນີທີ 3:  ບຸນເຂົ້າຈີ່ (ບຸນເດືອນສາມ)

        ເຂົ້າຈີ່ຄື:  ເຂົ້າໜຽວໜຶ້ງໃຫ້ສຸກແລ້ວນຳມາປັ້ນເປັນກ້ອນປະມານເທົ່າ ໄຂ່ເປັດປັ້ນໃຫ້ແໜ້ນ ແລ້ວທາເກືອໃຫ້ທົ່ວສຽບໃສ່ໄມ້ຂາງໄຟດ້ວຍໄຟຖ່ານປີ້ນ ກັບໄປກັບມາສຸກເຫຼືອງພໍດີ ແລ້ວຈຶ່ງເອົາ ອອກມາທາໄຂ່ແລ້ວເອົາໄປຂາງໄຟ ອີກຄັ້ງໜຶ່ງບາງແຫ່ງນິຍົມໃສ່ນ້ຳອ້ອຍດັ່ງຄຳໂບຮານທີ່ວ່າ: 

"ເດືອນສາມຄ້ອຍ ເຈົ້າຫົວຄອຍປັ້ນເຂົ້າຈີ່  ເຂົ້າຈີ່ບໍ່ໃສ່ນ້ຳອ້ອຍຈົວນ້ອຍເຊັດນ້ຳຕາ"

ມູນເຫດແລະຄວາມເປັນມາ.

        ເຫດທີ່ເຮັດບຸນເຂົ້າຈີ່ໃນເດືອນ 3 ເພາະວ່າເປັນເວລາທີ່ຊາວນາໝົດພາ ລະໃນການເຮັດນາ ເປັນຊວງທີ່ເກັບກຽ່ວຜົນຜະລິດແລ້ວໃໝ່ໆທີ່ເພິ່ນເອີ້ນວ່າ "ເຂົ້າໃໝ່ປາມັນ" ຈຶ່ງພາກັນທຳບຸນເຂົ້າຈີ່ຖວາຍພຣະສົງ ສ່ວນມູນເຫດດັ້ງ ເດີມທີ່ຈະມີການທຳບຸນເຂົ້າຈີ່ມີເລື່ອງເລົ່າວ່າ: ໃນກາລະຄັ້ງໜຶ່ງ ມີນາງປຸນນະ ທາສີ ໄດ້ທຳເຂົ້າໜົມແປ້ງຈີ່ຖວາຍແດ່ພຣະອົງສົມເດັດພຣະສັມມາສັມພຸດທະເຈົ້າ ແລະພຣະອານົນ ຄັນຖວາຍແລ້ວນາງຄິດວ່າພຣະອົງຄົງບໍ່ສັນແລະອາດ ຈະຖິ້ມໃຫ້ໝາກິນເພາະ ອາຫານທີ່ນາງຖວາຍເປັນອາຫານທີ່ ບໍ່ປານີດບໍ່ເປັນ ຕາສັນ ເມື່ອພຣະອົງຊົງຮູ້ພາວະຈິດຂອງນາງ ປຸນນະທາສີຈຶ່ງຮັບສັ່ງໃຫ້ພຣະ ອານົນ ປູອາສະນາແລ້ວປະທັບນັ່ງສັນໃນທີ່ນາງຖວາຍນັ້ນ ເປັນຜົນໃຫ້ນາງປິ ຕິເປັນຢ່າງຍິ່ງ ແລະເມື່ອນາງໄດ້ຟັງທັມມະເທສະໜາທີ່ພຣະພຸດທະເຈົ້າຊົງສະ ແດງກໍບັນລຸໂສດາປະຕິຜົນ ດ້ວຍອານິສົງຖວາຍເຂົ້າແປ້ງຈີ່.

        ອີກປະການໜຶ່ງໃນເດືອນສາມນີ້ກໍເປັນວັນສາໍຄັນໃນທາງພຣະພຸດທະ ສາດສະໜາຄື

ບຸນມາຄະບູຊາ  (15 ຄໍ່າເດືອນ3 ວັນຈະຕຸລົງຄະສັນນິບາດມີ ພຣະອະຣະຫັນ 1.250 ອົງ

ມາປະຊຸມໂດຍ ບໍ່ໄດ້ນັດໝາຍ).