ອິດທິບາດ

 

ອິດທິບາດ 4 ຢ່າງ

1. ສັນທະ        ຄວາມພໍໃຈ

2. ວິຣິຍະ       ຄວາມພາກພຽນ

3. ຈິຕຕະ        ໃຈຈົດຈໍ່

4. ວິມັງສະ      ໝັ່ນຮິ່ນຕອງພິຈາລະນາຫາເຫດຜົນ

          ຄຳອະທິບາຍ: ຄືຄຸນທັມທີ່ເຣັດໃຫ້ສຳເລັດຕາມຄວາມປະສົງ ຫຼືອຸບາຍໃຫ້ເຖິງຄວາມສຳເລັດ ເອີ້ນວ່າ ອິດທິບາດ

          ຄວາມມັກໄຄ່ໃນສິ່ງທີ່ຈະທຳຄວາມດີ ຊື່ວ່າ ສັນທະ ຄວາມພໍໃຈມັກໄຄ່ໃນສິລະປະວິທະ ຍາທີ່ຄວນສຶກສສາກໍ່ດີ ໃນການປະກອບກິດເຄື່ອງລ້ຽງຊີວິດກໍ່ດີ ໃນໜ້າທີ່ວຽກງານຂອງຕົນກໍດີ ໃນທັມມະວິນັຍທີ່ຄວນສຶກສາກໍດີ ແລະປະຕິບັດກໍ່ດີ ເຊິ່ງສົງເຄາະເຂົ້າໃນຂໍ້ນີ້

          ຄວາມພຽນປະກອບຄວາມດີ ດ້ວຍຄວາມກ້າຫານ ຊື່ວ່າ ວິຣິຍະ ຄວາມບາກບັ່ນໃນການສຶກສາ ສິລະປະວິທະ ຍາກໍ່ດີ ໃນການລະອະກຸສົນ ແລະຈະເລີນກຸສົນເປັນຕົ້ນກໍດີ ດ້ວຍຄວາມກ້າ ຫານບໍ່ຢ້ານຕໍ່ຄວາມທຸກຍາກລຳບາກເຊິ່ງສົງເຄາະເຂົ້າໃນຂໍ້ນີ

          ຄວາມເອົາໃຈໃສ່ໃນຄວາມດີດ້ວຍຄວາມໝັ່ນໃຈ ບໍ່ວາງວຽກງານຊື່ວ່າ ຈິດຕະ ຄວາມເອົາໃຈໃສ່ໃນສິລະປະວິ ທະຍາກໍດີ ໃນໜ້າທີ່ວຽກງານເປັນຕົ້ນ ຂອງຕົນກໍ່ດີ ໃນທັມມະວິນັຍທີ່ຄວນສຶກສາກໍດີ ແລະປະຕິບັດກໍ່ດີ ເຊິ່ງສົງເຄາະເຂົ້າໃນຂໍ້ນີ້

          ຄວາມຮິ່ນຕອງພິຈາລະນາ ເຫດຜົນນສິ່ງນັ້ນ ດ້ວວຍປັນຍາ ຊື່ວ່າ ວິມັງສາ ຄວາມຮິ່ນ ຕອງຄົ້ນຄວ້າ ເຫດຜົນໃນສິລະປະວິທະຍາ ທີ່ສຶກສາດ້ວຍວິທະຍາກໍ່ດີ ໃນອາຊີບທີ່ຕົນປະກອບກໍດີ ໃນໜ້າທີ່ການງານກໍດີ ໃນທັມມະວິນັຍກໍດີ ເພື່ອຄວາມຮູ້ ແລະຄວາມກ້າຫານ ເຊິ່ງສົງເຄາະເຂົ້າໃນຂໍ້ນີ້

          ທັມ 4 ຢ່າງນີ້ ຂໍ້ໃດຂໍ້ໜຶ່ງເກີດຂຶ້ນເປັນປະທານ ເມື່ອທຳໃຫ້ບໍຣິບູນເຕັມທີ່ແລ້ວ ອາດທຳໃຫ້ບຸກຄົນນັ້ນບັນລຸເຖິງເປົ້າໝາຍຢ່າງແດ່ນອນ ເຊິ່ງບໍ່ເໜືອນິໄສ.