ມຸງຄຸນທີ 29 ໄດ້ເຫັນສະມະນະ

ມຸງຄຸນທີ 29
ສະມະນານັ້ນ ຈະ ທັດສະນັງ “ໄດ້ເຫັນສະມະນະ”

ການພົບເຫັນ      ສະມະນະ          ຜູ້ສະຫງົບ

ແລ້ວນ້ອມນົບ    ຖາມໄຖ່           ໄຕຣສິກຂາ

ຫມັ່ນຝຶກຫັດ     ທຸກວັນ            ດ້ວຍປັນຍາ

ຍ່ອມນໍາພາ        ຈິດກົງ             ມຸງຄົນມີ

ຄໍາວ່າ ສະມະນະ ແປວ່າ ຜູ້ສະຫງົບ

ຄຸນສົມບັດຂອງສະມະນະມີ 3 ຢ່າງ

1. ຕ້ອງສະຫງົບກາຍ ຄືມີຄວາມສັງລວມໃນການກະທໍາທຸກຢ່າງ ລວມເຖິງກິຣິຍາມາລະຍາດ ຕາມຫຼັກສິນທັມ ້ 2. ຕ້ອງສະຫງົບວາຈາ ຄືການເວົ້າຈາໃຫ້ຢູ່ໃນກອບຂອງຄວາມພໍດີ ມີຄວາມສຸພາບສະຫງົບສະຫງຽມໃນຄໍາເວົ້າ

ແລະພາສາທີ່ໃຊ້ ເປັນໄປຕາມຂໍ້ປະຕິບັດປະເພນີ

3. ຕ້ອງສະຫງົບໃຈ ຄືການເຮັດໃຫ້ສະຫງົບປະສະຈາກິເລດຄອບງຳບໍ່ວ່າຈະເປັນຄວາມໂລບ, ໂກດ, ຫຼົງ, ຫຼືຄວາມ ອິດສາພະຍາບາດໃດໆ ຕັ້ງໝັ້ນຢູ່ໃນສະມາທິ ພາວະນາ

ການໄດ້ເຫັນສາມະນະ

1. ເຫັນດ້ວຍຕາ ຄືການເຫັນຈາກການສໍາພັດດ້ວຍສາຍຕາຂອງ ຕົນເອງ ແລ້ວມີຄວາມປະທັບໃຈຄວາມສັງລວມ ກາຍ

2. ເຫັນດ້ວຍໃຈ ເນື່ອງຈາກຄວາມສັງລວມກາຍວາຈາໃຈຂອງສະມະນະຈະຊ່ວຍ ໃຫ້ຈິດໃຈຂອງເຮົາໃຫ້ອ່ອນ ນ້ອມຜ່ອນຕາມ ແລະຮັບຟັງຫຼັກຄໍາສອນດ້ວຍໃຈທີ່ຍິນດີ

3. ເຫັນດ້ວຍປັນຍາ ໝາຍເຖິງການຮູ້ໂດຍໃຊ້ປັນຍາພິຈາຣະນາ ໃນການສໍາຜັດ ເຂົ້າເຖິງ ຮັບຮູ້ເຖິງຄໍາສອນຂອງ ສະມະນະຜູ້ນັ້ນຶ ແລະໃຫ້ຮູ້ວ່າທ່ານເປັນຜູ້ຕັ້ງໝັ້ນຢູ່ໃນສິນທັມຢ່າງແທ້ຈິງ ເມື່ອເຫັນແລ້ວ ຕ້ອງປະຕິບັດຕົນດັ່ງນີ້

1) ຕ້ອງເຂົ້າໄປຫາ ຄືເຂົ້າໄປຂໍຄໍາແນະນໍາຈາກທ່ານ ຫຼືຄວາມເຄົາລົບທ່ານ

2) ຕ້ອງເຂົ້າໄປບໍາລຸງຊ່ວຍເຫຼືອ ຄືການຊ່ວຍເຫຼືອທ່ານໃນ ໂອກາດອັນຄວນ ເພື່ອແບ່ງເບົາພາລະຂອງທ່ານ

3) ຕ້ອງເຂົ້າໄປຟັງ ຄືການຮັບຟັງຄຸນນະທັມ ຫຼັກຄໍາສອນ ຂອງທ່ານມາໄວ້ເປັນແນວທາງໃນການແກ້ໄຂບັນຫາ ຊີວິດ

4) ຫມັ່ນລະລຶກເຖິງທ່ານ ຄືການລະນຶກເຖິງຄວາມດີທີ່ທ່ານມີ ແລ້ວນຳມາເປັນຕົວຢ່າງກັບຕົວເອງ

5) ຮັບຟັງແລ້ວປະຕິບັດຄືການຮັບຄໍາແນະນໍາຂອງທ່ານມາ ປະຕິບັດເຮັດຕາມເພື່ອໃຫ້ເກີດຜົນເມື່ອຂັດຂ້ອງກໍ່ແກ້ ໄຂເພື່ອໃຫ້ຮູ້ແຈ້ງເຫັນຈິງຕາມນັ້ນ

 

ເຫດທີ່ຢາກໃຫ້ສະມະນະຫຼືພຣະຜູ້ມີສິນໄປຢາມເຮືອນ

ເມື່ອສະມະນະຫຼືພຣະຜູ້ມີສິນບໍລິ ສຸດເຂົ້າສູ່ສະກຸນໃດມະນຸດທັງຫຼາຍໃນສະກຸນນັ້ນຍ່ອມມີບຸນເປັນອັນມາກ ດ້ວຍຖານະ 5 ປະການຄື:

1. ຈິດຂອງເຂົາຍ່ອມເຫຼື້ອມໃສ ເພາະໄດ້ເຫັນສະມະນະ ເປັນຜົນໃຫ້ສະກຸນນັ້ນຊື່ວ່າ ປະຕິບັດຕາມຂໍ້ປະຕິບັດເພື່ອ ໄປສະຫວັນ

2. ເຂົາຍ່ອມພາກັນຕ້ອນຮັບຂາບໄຫວ້ ໃຫ້ອາສະນະແກ່ ສະມະນະເຊິ່ງເຂົ້າໄປສູ່ສະກຸນ ເປັນຜົນໃຫ້ສະກຸນນັ້ນຊື່ວ່າ ປະຕິບັດຕາມຂໍ້ປະຕິບັດທີ່ເປັນໄປເພື່ອການເກີດໃນສະກຸນທີ່ສູງຂຶ້ນ

3. ເຂົາຍ່ອມກໍາຈັດມົນທິນ ຄືຄວາມຂີ້ຖີ່ເສຍໄດ້ ໃນສະມະນະເຊິ່ງເຂົ້າໄປສູ່ສະກຸນ ເປັນຜົນໃຫ້ສະກຸນນັ້ນຊື່ວ່າ ປະຕິບັດຕາມຂໍ້ປະຕິບັດທີ່ເປັນໄປເພື່ອການໄດ້ກຽດສັກສີອັນຍິ່ງໃຫຍ່

້          4. ເຂົາຍ່ອມແຈກຈ່າຍທານ ຕາມສະຕິກໍາລັງໃນສະມະນະ ຜູ້ເຂົ້າໄປສູ່ສະກຸນ ເປັນຜົນໃຫ້ສະກຸນນັ້ນຊື່ວ່າ ປະຕິບັດ ຕາມປະຕິບັດທີ່ ເປັນໄປເພື່ອການໄດ້ໂພຄະສົມບັດອັນໃຫຍ່

5. ເຂົາຍ່ອມສໍ້ຖາມບັນຫາທັມ ເພື່ອຟັງທໍາ ຈາກສະມະນະ ເຊິ່ງເຂົ້າໄປສູ່ສະກຸນເປັນຜົນໃຫ້ສະກຸນນັ້ນຊື່ວ່າ ປະຕິ ບັດຕາມຂໍ້ປະຕິບັດທີ່ເປັນໄປເພື່ອການໄດ້ປັນຍາ

 

ຂໍ້ຄວນປະຕິບັດເພື່ອພົບສະມະນະ

- ຄວນຕ້ອນຮັບດ້ວຍໄທຍະທັມນັ້ນຕາມສົມຄວນ

- ຄວນຂາບດ້ວຍເບັນຈາງຄະປະດິດ

- ຖ້າບໍ່ສະດວກໃນການຂາບ ກໍ່ປະນົມມືໄຫວ້ຢ່າງນອບນ້ອມ

- ຖ້າໄຫວ້ບໍ່ສະດວກກໍ່ຢືນກົງ ຫຼືສະແດງຄວາມເຄົາລົບດ້ວຍວິທີໃດວິທີ ນຶ່ງ ເຊັ່ນ ນ້ອມຕົວຫຼີກທາງໃຫ້.

- ຕ້ອງເບິ່ງດ້ວຍຈິດເຫຼື້ອມໃສ ຖ້າບໍ່ໄດ້ຂາຍຫຼືໄຫວ້ກໍ່ຕ້ອງນ້ອມດ້ວຍໃຈ ທີ່ເຕັມໄປດ້ວຍກຸສົນ

 

ອານິສົງການເຫັນສະມະນະ

1. ໄດ້ສະຕິ ຄິດເຖິງບຸນກຸສົນ

2. ເກີດແຮງບັນດານໃຈທີ່ຈະເຮັດຄວາມດີຕາມທ່ານ

3. ຕາແຈ່ມໃສດັ່ງແກ້ວມະນີ

4. ເປັນຜູ້ບໍ່ປະໝາດ

5. ໄດ້ຊື່ວ່າໄດ້ບູຊາພຣະຣັດຕະນະໄຕຣຢ່າງຍິ່ງ

6. ໄດ້ສົມບັດທັງ 3 ຄື ມະນຸດສົມບັດ ທິບສົມບັດ ແລະນິບພານ ສົມບັດ ໂດຍງ່າຍ

7. ບັນລຸມັຄຜົນນິບພານໂດຍງ່າຍ